Plantun de Prouvènço

Pèr coumpara dos planto d'encò nostre

Bolboschoenus laticarpus & Persicaria hydropiper

fotò
fotò
Triangle(-di-làrgi-fru)

Bolboschoenus laticarpus

Cyperaceae

Àutri noum : Liandro, Triangle.

Noms en français : Scirpe à fruits larges, Souchet à fruits larges.

Descripcioun :
Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano qu'es eici mai larjo. Subretout vèn pas dins li relarg mounte i'a de sau au contro dóu marin. Lis espigo soun mai longo eici. Èi pu tihous de faire la diferènci emé Bolboschoenus glaucus ; pèr acò fau regarda la formo de la grano e l'espessour de l'"exocarpus" (pu grando eici). Coumpara emé lou triangle-verdau que ié sèmblo proun.

Usanço :
Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.

Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Bolboschoenus
Famiho : Cyperaceae


Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 4 cm
Flourido : Printèms - Estiéu

Sòu : Ca
Autour basso e auto : 0 à 900 m
Aparado : Noun
Mai à setèmbre

Liò : Ribiero - Roubino - Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus laticarpus Marhold, Hroudová, Duchácek & Zákr

fotò
fotò
Pebre-d'aigo

Persicaria hydropiper

Polygonaceae

Àutri noum : Plago-de-sant-Ro, Erbo-de-la-plago, Erbo-de-sant-Cristòu, Cuou-coui.

Noms en français : Poivre d'eau, Renouée Poivre d'eau.

Descripcioun :
Planto que trachis en ribo de ribiero. Li flour soun pas gaire serrado lis uno dis autro e la ramo que li porto èi clinado. De tasta un tros de fueio vous dounara l'asseguranço de la determinacioun, èi bèn pebra.

Usanço :
Li jòuini fueio de pebre-d'aigo se podon manja, mai pas de trop que i'a, coume pèr lis eigreto e li patiènci, d'acide óussali. I japounés i'agrado forço. Poudès vous servi di grano à la plaço dóu pebre (ço qu'es esta fa dóu tèms de la segoundo guerro moundialo en Alemagno). Mèfi li fueio podon douna d'irritacioun.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Persicaria
Famiho : Polygonaceae


Ordre : Caryophyllales

Coulour de la flour : Blanco
Petalo : 3
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero
Estànci : Termoumediterran à Coulinen
Couroulougi : Pancaro entresigna
Ref. sc. : Persicaria hydropiper (L.) Spach, 1841 (= Polygonum hydropiper L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
CC
C
C
C
RR
R
RRR

Bolboschoenus laticarpus & Persicaria hydropiper

CC
C
ges
R
ges
ges
ges
ges

Coumpara Triangle(-di-làrgi-fru) emé uno autro planto

fotò

Coumpara Pebre-d'aigo emé uno autro planto

fotò